Gira tu dispositivo a modo "landscape"
Gira tu dispositivo a modo "landscape"
Gure helburu nagusia zure eragiketen segurtasuna bermatzea da. Orrialde honetan zure kontuak eta eragiketak nola babesten ditugun ikusteaz gain, zeure burua balizko arriskuen aurrean babesteko behar duzun informazio guztia duzu eskuragarri.
Horrekin batera, zibersegurtasun arloko jakinarazpen garrantzitsuak eta jardunbide egokiak ezagutu nahi badituzu, jo Online Segurtasuna atalera.
Kutxabanken txartela galdu baduzu edo lapurtu badizute, gezur edo iruzurraren biktima izan zarela susmatzen baduzu, edo Kutxabanken izenean zure sarbide-gakoak, eragiketak baimentzeko gakoak edo beste edozein identifikazio-mota eskatzen dizuten e-posta/SMS/WhatsApp bidezko mezuren bat edo telefono-deiren bat jaso baduzu, jar zaitez berehala gurekin harremanetan 900 44 55 66 telefono zenbakiaren bidez. Iruzurraren inguruko informazio gehiago
Hobetzeko iradokizunen bat egin nahi baduzu edo segurtasun-orri hau baloratu nahi baduzu, bidali mezu bat helbide honetara:
Segurtasun-neurrien bidez, zure zordunketa- eta kreditu-txartelak lapurreta, galera edo baimenik gabeko erabilera-egoeretan babesteko lan egiten dugu. Txartelaren segurtasuna indartzeko jarraitu gure aholku praktikoak.
Kutxabanken Online Bankan segurtasunez jarduteko, jarraitu webgunearen erabileraren eta ordenagailuaren mantenimenduaren inguruan gomendatutako segurtasun-jarraibideak.
Zure gailutik Banka Mugikorraren appean eragiketak egitea zure ordenagailutik aritzea bezain segurua da. Ezagutu itzazu eragiketa horien berezko arriskuak eta deskargatu doan gure appa: kutxabank.es/appmovil.
KutxabankPayn dirua bidaltzeko edo jasotzeko Bizum erabiltzen baduzu, zerbitzu hori erabiltzeko segurtasun-gomendioak ezagutzea aholkatzen dizugu.
Online egindako iruzurren baten biktima izan zarela susmatzen baduzu, finantza-txartela galdu edo lapurtu badizute, edo mezu susmagarriren bat jaso baduzu, jarri gurekin harremanetan.
Zuretzat onuragarria izango den banka ireki eta ziurreko eredu baten bidez, ordainketei buruzko Europako araudi berriari (PSD2) egokitu zaio Kutxabank.
